श्रावण ६, २०८२ मंगलबार
July 22, 2025
युग खबर
२०७९ कार्तिक २३, बुधबार
काठमाडौंः नेपाल टेलिकमले आफ्ना ग्राहकका लागी एकै पटक दुई हजारदेखि १० हजारसम्म एसएमएस पठाउन सकिने अफर ल्याएको छ । कम्पनीको ‘ग्रुप एसएमएस’ अफर अन्तर्गत नेपाल टेलिकमका प्रयोगकर्ताले एकैपटक धेरैओटा एसएमएस पठाउन सक्नेछन् ।
यो अफर अन्तर्गत कम्पनीले तीन फरक प्याक ल्याएको छ । जसमध्ये पहिलो प्याकमा प्रयोगकर्ताले एक हजार रुपैयाँमा दुई हजार एसएमएस एकैपटक पठाउन सक्छन् । यसको मान्य अवधि दुई दिन रहेको छ ।
त्यसैगरी प्रयोगकर्ताले २५ सय रुपैयाँमा पाँच हजार एसएमएस पठाउन सक्नेछन् । यो प्याक भने पाँच दिनसम्म मान्य हुनेछ । त्यस्तै पाँच हजार रुपैयाँमा दश हजार नम्बरमा एसएमएस पठाउन सकिनेछ । जसको म्याद १० दिनसम्म छ ।
एकसाथ कसरी पठाउने धेरै एसएमएस ?
– सबैभन्दा पहिला कम्प्युटरको वेब ब्राउजरमा गएर यहाँ क्लिक गर्नुहोस् ।
– आफ्नो पुरा नाम, नागरिकता नम्बर र मोबाइल नम्बर टाइप गर्नुहोस् र सेन्ड ओटीपीमा क्लिक गर्नुहोस् ।
– त्यसपछि तपाईँको मोबाइलमा आएको ओटीपी ‘सेन्ड ओटीपी’ भन्दा तल ‘ओटीपी’ लेखिएको बक्समा राख्नुहोस् र ‘आई अग्री टु टर्म्स एन्ड कन्डिसन्स’ भन्ने अप्सनमा क्लिक गर्नुहोस् । यसमा छ ओटा विभिन्न सर्तहरू राखिएका छन् ।
– अब अन्त्य रहेकोमा लगइन अप्सनमा क्लिक गर्नुहोस् ।
– लगइन गरिसकेपछि स्क्रिनमा तपाईँको ब्यालेन्स सहितका विवरणहरू देख्न सकिन्छ । ‘क्लिक हेर टु पर्चेज बल्क एसएमएस प्याक’ भन्ने विकल्पमा जानुहोस् ।
– ‘चुज प्याकेज’मा गएर आफूले लिन चाहेको प्याक छनौट गर्नुहोस् ।
– त्यसपछि ‘पर्चेज’मा क्लिक गर्नुहोस् ।
– अब ‘डाउनलोड स्याम्पल एक्सेल फाइल’ मा क्लिक गर्नुहोस् । यति गरेपछि तपाईँको कम्प्युटरमा एउटा एक्सेल फाइल डाउनलोड हुन्छ । उक्त फाइलमा आफूले एसएमएस पठाउन चाहेका नम्बरहरू उल्लेख गर्नुहोस् ।
– उक्त फाइलमा ती आवश्यक नम्बर सेभ गरेर अघि ब्राउजरमा अघि भएकै स्थानमा गएर ‘अपलोड एक्सेल फाइल’मा क्लिक गर्नुहोस् ।
– त्यसपछि ‘मेसेज टाइप’मा गएर अंग्रेजी वा नेपाली कुन भाषामा मेसेज पठाउन चाहेको हो, सो कुरा खुलाउनु होस् ।
– अनि ‘मेसेज टु सेन्ड’ बक्समा गएर आफूले पठाउन चाहेको मेसेज लेख्नुहोस् र त्यसलाई ‘सेन्ड’ गर्नुहोस् । टेकपाना
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया