असार २६, २०८२ बिहिबार
July 10, 2025
न्युज डेस्क
२०७६ चैत्र ९, आइतबार
काठमाडौं । सरकारले भारतसँगका सीमा नाका बन्द गर्नेबारे छलफल र तयारी तीब्र पारेको छ।
त्यसबारे गृह मन्त्रालयले तयार पारेको प्रस्तावमाथि उपप्रधानमन्त्री तथा रक्षामन्त्री इश्वर पोखरेलको संयोजकत्वको उच्चस्तरीय समितिमा आइतबार छलफल भएको छ।
बैठकमा गृह मन्त्री रामबहादुर थापाले सो प्रस्ताव पेश गरेका छन्। परराष्ट्रमन्त्री प्रदीप ज्ञवाली, स्वास्थ्य मन्त्री भानुभक्त ढकाल, उद्योग, वाणिज्य तथा आपूर्ति मन्त्री लेखराज भट्ट तथा नेपाली सेना, नेपाल पुलिस र सशस्त्र प्रहरीका प्रमुख लगायत सो बैठकमा सहभागी छन्।
सो समितिमा छलफलपछि अन्तिम रुप दिइने सो प्रस्तावअनुसार आज ९आइतबार० नै बस्ने मन्त्रिपरिषद् बैठकले सीमानाका बन्द गर्नेबारे निर्णय लिइने बताइएको छ।
नेपालमा हालसम्म कोरोना संक्रमण पुष्टि भएका बिरामी नभेटिए पनि साढे तीनसय भन्दा बढिको संख्यामा संक्रमित रहेको भारतबाट दिनहुँ हजारौं मानिस नेपाल भित्रिएपछि अहिले भारतसँगका नाका बन्द गर्न चौतर्फी आवाज उठिरहेको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया