असार २९, २०८२ आइतबार
July 13, 2025
युग खबर
२०७९ फागुण १२, शुक्रबार
काठमाण्डौः नेपाली कांग्रेसका सांसद रामहरि खतिवडाले पासपोर्ट वितरणलाई सहज र सर्वसुलभ बनाउन सरकारसँग माग गरेका छन् ।
प्रतिनिधिसभाको शुक्रबारको बैठकमा बोल्दै उनले पासपोर्ट लिन र राष्ट्रिय परिचयपत्र बनाउनका लागि रातिदेखि सडकमा लाइन बस्नुपर्ने, लाखौं रुपैयाँ खर्च गर्नुपर्ने अवस्थाको अन्त्य गर्न माग गरे ।
‘हामीले वितरण गरिरहेको पासपोर्ट करिब १४०० मा बन्ने रहेछ । तर त्यही पासपोर्ट सरकारले एउटा गरिब किसानको छोरालाई २० हजार रुपैयाँसम्म लिएर बेचिरहेको छ,’ सांसद खतिवडाले भने, ‘राज्यले नै गरिब जनतालाई ठगेर यति धेरै पैसा कमाउने नीति कहिले अन्त्य गर्ने ? अनि त्यति पैसा तिरेपछि पनि सजिलो गरी पासपोर्ट पाउने अवस्था किन नबनाउने ?’
उनले पासपोर्ट लिनकै लागि दुर्गमका नागरिकले लाखौं रुपैयाँ खर्च गर्नुपर्ने बाध्यात्मक अवस्था रहेको बताए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया