कार्तिक २३, २०८३ सोमबार
November 9, 2026
युग खबर
२०७९ फागुण १५, सोमबार
काठमाडौंः स्वतन्त्र विद्यार्थी युनियन (स्ववियु)को चुनावमा नेकपा (माओवादी केन्द्र)निकट अखिल क्रान्तिकारी र बाबुराम भट्टराई नेतृत्वको नेपाल समाजवादी पार्टी निकट नेपाल समाजवादी विद्यार्थी युनियनबीच तालमेल गर्ने सहमति भएको छ ।
सोमबार अखिल क्रान्तिकारी र समाजवादी विद्यार्थी युनियनबीच तालमेल गरेर आगामी चैत ५ को स्ववियु निर्वाचनमा भाग लिने सहमति भएको हो । दुई संगठनबीच भएको सहमतिपत्रमा अखिल क्रान्तिकारी अध्यक्ष पञ्चासिंह र नेपाल समाजवादी विद्यार्थी युनियनका अध्यक्ष नेत्र चापागाईंले हस्ताक्षर गरेका छन् ।
यी दुई विद्यार्थी संगठनबीच एउटै घोषणा पत्र, एउटै संगठन र एउटै उम्मेदवार बनाएर निर्वाचनमा सहभागी हुने सहमति पत्रमा उल्लेख छ । स्ववियू चुनावलाई राजनीतिक वृत्तमा मिनि चुनावको रुपमा लिइन्छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया