पाल्पाको त्रिभुवन बहुमुखी क्याम्पसमा अनेरास्ववियुले लगायो ताला (विज्ञप्ती)

काठमाण्डौंः पाल्पामा त्रिभुवन बहुमुखी क्याम्पसमा स्ववियु निर्वाचनको मनोनयन गर्ने समयमा विभिन्न माग राखेर कार्यालयमा तालाबन्दी गरिएको छ ।

शनिबार मनोनयन दर्ता गर्ने सूची अनुसार राजनीतिक दलका भातृ संगठन तथा असंलग्न विद्यार्थी संगठनले उम्मेदवारी दर्ताको अन्तिम तयारीमा गरिरहेका बेला कार्यालयमा तालाबन्दी गरिएको हो ।

मुलुककै जेठो त्रिभुवन बहुमुखी क्याम्पस (वि.सं. २०११) पाल्पामा आज बिहान चैत ५ गते हुने स्वतन्त्र विद्यार्थी युनियन निर्वाचनको चहलपहल बढेको थियो ।

त्रिभुवन बहुमुखी क्याम्पसमा २ हजार ४ सय २२ मतदाता छन् । यहाँ स्ववियु निर्वाचनका लागि सात दल र एक असंलग्न संगठनले दर्ता गरेको छ ।

निर्वाचन कमिटिका सदस्य सचिव पुष्कर आचार्यका अनुसार कांग्रेस निकट नेपाल विद्यार्थी संघ, एमाले निकट अखिल नेपाल राष्ट्रिय विद्यार्थी युनियन, माओवादी केन्द्र निकट अनेरास्ववियू, राष्ट्रिय जनमोर्चा निकट अखिल छैठौ, राप्रपा निकट राष्ट्रिय प्रजातान्त्रिक विद्यार्थी संगठन, एकीकृत समाजवादी निकट अनेरास्ववियू र नेकपा (बहुमत) निकट अनेरास्ववियूले दर्ता गराएका छन् ।