श्रावण २, २०८२ शुक्रबार
July 18, 2025
युग खबर
२०७९ चैत्र ६, सोमबार
काठमाण्डौः सुकेपोखरीस्थित चतुर्भुजेश्वर जनता बहमुखी क्याम्पसमा पुनः मतगणना हुने भएको छ ।
आइतबार सम्पन्न स्ववियु निर्वाचनमा यहाँ ७११ मत खसेकोमा मतगणनाका क्रममा ७१२ वटा मतपत्र भेटिएको तथा नेकपा एमाले निकट अखिल र माओवादी निकट अखिल क्रान्तिकारीका उम्मेदवारले बराबर मत ल्याए पछि पुनः मतगणना हुन लागेको हो ।
निर्वाचन अधिकृतको कार्यालयका अनुसार मतगणनाका क्रममा सभापतिमा नेबिसंघसहितको संयुक्त प्यानलबाट अखिल क्रान्तिकारीका प्रेमराज दाहालले ३५० र अनेरास्ववियुका सन्दीप थापाले पनि ३५० नै मत प्राप्त गरेपछि बढी देखिएको एउटा मतपत्रका कारण विवाद चुलिएपछि मतपरिणाम घोषणा स्थगित गरिएको हाे ।
स्ववियु निर्वाचन अन्तर्गत सुखेपोखरीमा ९७० जना विद्यार्थीमध्ये ७११ जना विद्यार्थीले मतदान गरेका थिए तर मतपत्र गणना गरिसक्दा भने ७ सय १२ मत देखिए पछि थप बिबाद भएको हो ।
सर्वपक्षीय बैठक बसेर पुनः मतगणनाको तयारी भइरहेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया