श्रावण २, २०८२ शुक्रबार
July 18, 2025
युग खबर
२०७९ चैत्र २०, सोमबार
काठमाण्डौंः पाँचथरको मिक्लाजुङ गाउँपालिकामा कार्यरत शिक्षक, कर्मचारी र जनप्रतिनिधिका छोराछोरीलाई सरकारी विद्यालयमा अध्यापन गराउने नियम अनिवार्य गरिएको छ ।
गाउँपालिकाले शिक्षा ऐन जारी गर्दै यस्तो नियम लागु गरेको हो । शिक्षाको गुणस्तर उकास्ने अभियानको पहिलो अभ्यास सुरु गरेको गाउँपालिकाका अध्यक्ष अमर माखिमले बताउनुभयो । आफु सरकारी कार्यालय र सामुदायिक विद्यालयमा कार्यरत रहेर आफ्नै छोराछोरी निजी विद्यालय पढाउँदा शिक्षाको गुणस्तर खस्कने गरेकोले पाइएपछि ऐन जारी गरेर अनिवार्य गरिएको माखिमले बताउनुभयो ।
शैक्षिक सत्र २०८० देखि यो निर्णय लागु हुने उहाँको भनाइ छ । पालिकाले तयार गरेको शिक्षा ऐन २०७९ को दफा (२२) मा यो व्यवस्था गरिएको छ । नियम लागु गर्न गाउँपालिकाले सार्वजनिक सूचनामार्फत जनप्रतिनिधि, सामुदायिक विद्यालयमा कार्यरत शिक्षक र सरकारी कर्मचारीका छोराछोरी अनिवार्य रूपमा सामुदायिक विद्यालयमा भर्ना भनेको छ ।
यो नियम लागुसँगै शैक्षिक क्षेत्रका विकृति न्यूनीकरण हुने गाउँपालिकाको दाबी छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया