काठमाण्डौंः तेस्रो टी-२० मा भारतले घरेलु टोली वेस्ट इन्डिजलाई ७ विकेटले हराएको छ ।
गएराति भएको खेलमा जितका लागि पाएको १ सय ६० रनको लक्ष्य भारतले १७ ओभर ५ बलमा ३ विकेट गुमाएर भेट्टायो ।
भारतका सूर्यकुमार यादवले सर्वाधिक ८३ रन बनाए । तिलक बर्मा ४९ र हार्दिक पान्ड्या २० रनमा रनमा नटआउट रहे । वेस्ट इन्डिजका अल्जारी जोशेफले दुई तथा ओबेद म्याककोयले एक विकेट लिए ।

त्यसअघि गयानामा टस जितेर पहिला ब्याटिङ गरेको वेस्ट इन्डिजले निर्धारित २० ओभरमा ५ विकेट गुमाउँदै १ सय ५९ रन बनाएको थियो ।
उसका कप्तान रोभम्यान पावेल ४० रनमा नटआउट रहे । ब्रेन्डन किंगले ४२ रन जोडे । भारतका कुलदीप यादवले ३ विकेट लिए ।
पाँच खेलको शृङ्खलामा भारत २-१ ले पछि रहेको छ । चौथो खेल शनिवार र पाँचौँ तथा अन्तिम खेल आइतवार हुनेछ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया