मंग्सिर ४, २०८३ शुक्रबार November 20, 2026

एशिया कप सुपर फोरको अन्तिम प्रतिस्पर्धामा बंगलादेशसँग भारत पराजित

बंगलादेशले भारतलाई छ रनले हरायो

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौः एशिया कप–२०२३ मा सुपर फोरको अन्तिम प्रतिस्पर्धामा बंगलादेशले भारतलाई छ रनले हराएको छ ।

शुक्रवार अबेर राति कोलम्बोको आर.प्रेमदासा स्टेडियममा सम्पन्न यो प्रतिस्पर्धामा बंगलादेशले भारतलाई जीतका लागि २६६ रनको लक्ष्य दिएको थियो । यो लक्ष्यलाई पछ्याउने क्रममा भारतीय टीमले २५९ रनमात्र जोड्न सफल भयो ।

भारतीय टीमको तर्फबाट ओपनर शुभमन गिलले १३३ बलमा १२१ रन बनाए, जसमा आठ चौका तथा पाँच छक्का समावेश छन् । गिलको वडने करियरको यो पाँचौं शतक हो । गिलबाहेक अन्य कुनै पनि ब्याट्सम्यानले ठूलो स्कोर बनाउन सकेनन् ।

फलस्वरुप भारतीय टीमले हार व्यहोर्न पुग्यो । अन्तिमका ओभरहरुमा अक्षर पटेल (४२ रन) ले केही ठूला शट नलगाएका होइनन्, तर ४९ औं ओभरमा मुस्तफिजुर रहमानले उनको आकर्षक इनिङलाई समाप्त पारे ।

खेलको अन्तिम ओभरमा भारतले जीतका लागि १२ रन बनाउनु पर्ने थियो । तन्जिद हसन शाकिबको पहिलो तीन बलमा मोहम्मद शमीले रन बनाउन सकेनन् । चौथो बलमा उनले चौका प्रहार गरे । अब दुई बलमा आठ रन बनाउन पर्ने थियो । यहाँबाट शमीले दुई ठूला शट प्रहार गर्दै खेललाई भारतीय टीमतर्फ झुकाउने सम्भावना थियो, तर दोस्रो रन लिने चक्करमा उनी रनआउट भए । बंगलादेशको तर्फबाट मुस्तफिजुर रहमानले तीन विकेट लिए भने तन्जिम हसन शाकिब तथा मेहनी हसनले समान दुई विकेट लिए ।

एशिया कप २०२३ को उपाधि दौडमा यो खेलको नतिजाले कुनै महत्व राख्दैन । भारत यसअघि नै आइतवार हुने फाइनलका लागि छनोट भैसकेको छ, जसमा उसको सामना श्रीलंकासंग हुँदैछ ।
अर्कोतिर, बंगलादेशको टीम यसअघि नै एशिया कपबाट बाहिरिसकेको छ । यसै कारण शुक्रवारको खेलमा भारतीय टीमका विराट कोहली, हार्दिक पाण्ड्या, मोहम्मद सिराज, जसप्रीत बुमराह तथा कुलदीप यादवलाई आराम दिइएको थियो ।

त्यसअघि टस हारेर पहिला ब्याटिङ गर्दै बंगलादेशले २६५ रन बनायो । ५९ रनको स्कोरमै चार विकेट गुमाएको बंगलादेशलाई शाकिब अल हसन तथा तौहीद हृदोयको साझेदारीले सम्मानजनक योगफलतर्फ अघि बढाएको थियो । उनीहरुले पाँचौं विकेटका लागि १०१ रनको साझेदारी गरे । शार्दुल ठाकुरले शाकिबको विकेट लिए भने मोहम्मद शमीले तौहीदलाई आउट गरे । शाकिबले ८५ बलमा ८० रन बनाए भने तौहीदले ५४ रन बनाए । नासुमले ४५ बलमा ४४ रनको योगदान दिए ।

भारतीय टीमको तर्फबाट मोहम्मद शमीले दुई तथा शार्दुल ठाकुरले तीन विकेट लिए । प्रसिद्ध कृष्णा, अक्षर पटेल तथा रवीन्द्र जडेजाले समान एक विकेट लिए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
मधेशमा सरकार गठनका लागि दलहरूबीच रस्साकस्सी, जसपाले माग्यो ठूलो दलको हैसियतमा नेतृत्व
२०८३ मंग्सिर ४, शुक्रबार
इरानको अमेरिकालाई चेतावनी: सर्त मान, नत्र युद्धको सामना गर
२०८३ मंग्सिर ४, शुक्रबार
एमाले हार्नका लागि जन्मिएको पार्टी होइन, फेरि जित्छौँ : अध्यक्ष ओली
२०८३ मंग्सिर ४, शुक्रबार
Minister Mehta emphasizes curbing indiscriminate use of Antimicrobial drugs
२०८३ मंग्सिर ४, शुक्रबार
युक्रेनलाई नेटोसरह सुरक्षा ग्यारेन्टी दिन रुस सहमत हुने कुशनरको विश्वास
२०८३ मंग्सिर ४, शुक्रबार
Political parties consulted on chances of simultaneous elections
२०८३ मंग्सिर ४, शुक्रबार
सुशासन र आर्थिक रुपान्तरणबाट मुलुकमा समृद्धि आउँछ: अर्थमन्त्री वाग्ले
२०८३ मंग्सिर ४, शुक्रबार