काठमाडौंः एसीसी पुरुष यू–१९ प्रिमियर कप क्रिकेटमा नेपालले इरानमाथि प्रभावशाली जित हासिल गरेको छ।
मलेसियामा बिहीबार भएको खेलमा नेपालले इरानलाई २७४ रनले हराएको हो । ३५४ रनको लक्ष्य पछ्याएको इरान ३०.५ ओभरमा ७९ रनमा अलआउ भएपछि नेपालले विशाल अन्तरको जित हात पारेको हो ।
इरानका अमेर खोसन्दले सर्वाधिक ३७ रन बनाए। नेपालका दिपेश कँडेल र सुवास भण्डारीले ३-३ तथा हेमन्त धामी र आकाश चन्दले २–२ विकेट लिए।
पहिले ब्याटिङ गरेको नेपाल ४० ओभर एक बलमा ३ सय ५३ रन बनाउँदा अल आउट भएको थियो । नेपालका कप्तान देव खनालले शतक प्रहार गरे । यससँगै यू–१९ मा दोस्रो शतक प्रहार गर्ने देव पहिलो नेपाली खेलाडी बनेका छन्। उनले ६० बलमा शतक हाने ।
दीपकप्रसाद डुम्रेले ६९ र दीपक बोहराले ६५ रन बनाए । दिपेश कँडेलले २९ र दिपेश धामीले २३ रनको योगदान गरे । इरानका सलमान नइजमद र दद्राहम रइसीले ३-३ विकेट लिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया