काठमाडौंः एसीसी पुरुष यू–१९ प्रिमियर कप क्रिकेटमा नेपालले बहराइनलाई पराजित गरेको छ।
मलेसियाको कुवालालम्पुरमा आइतबार भएको खेलमा नेपालले बहराइनलाई ७ विकेटले पराजित गरेको हो। लगातार दोस्रो जितसँगै नेपालको सेमिफाइनल पुग्ने सम्भावना बलियो भएको छ।
७८ रनको झिनो लक्ष्य नेपालले ११.४ ओभरमा ३ विकेटको क्षतिमा पूरा गर्यो। नेपालको लागि कप्तान देव खनालले अविजित ३२ र अर्जुन कुमालले अविजित ३२ रन जोडे। बहराइनको लागि अनास ओबेद सैयदले ३ विकेट लिए।
टस जिते ब्याटिङ गरेको बहराइन ३७ ओभर ५ बलमा ७७ रनमा अल आउट भयो । उसका मोहम्मद बासिल अबदुलले सर्वाधिक ३४ रन बनाए। बलिङतर्फ नेपालका दीपेश कँडेलले जादुमयी ६ विकेट लिए । दीपेशले ९ ओभर पाँच बलमा जम्मा ४ रन दिएर ६ विकेट लिए । क्रिकेटमा यो विरलै पाउने सफलता हो । यस्तै, दुर्गेश गुप्ताले ४ विकेट लिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया