मंग्सिर ४, २०८३ शुक्रबार November 20, 2026

भारतका महान स्पिन बलर बिशन सिंह बेदीको निधन

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः भारतीय पूर्व स्पिन बलर बिशन सिंह बेदीको निधन भएको छ । बिशन सिंहले ७७ वर्षको उमेरमा अन्तिम सास लिए । उनी लामो समयदेखि बिरामी थिए ।

सन् १९७० को दशकमा आफ्नो घुमाउरो बलले ब्याट्सम्यानलाई चकित पार्ने बिशन सिंहले २२ अन्तर्राष्ट्रिय खेलमा भारतीय टोलीको कप्तानी गरेका थिए । उनको अन्तर्राष्ट्रिय करियर १२ वर्षसम्म चल्यो र उनले आफ्नो बलिङको आधारमा भारतलाई धेरै खेलहरूमा यादगार जित दिलाए ।

भारतका पूर्व महान लेग स्पिनर बिशन सिंह बेदीले विश्वलाई बिदाइ गरेका छन् । बिशन सिंहले सन् १९६७ मा आफ्नो अन्तर्राष्ट्रिय करियर सुरु गरेका थिए र आफ्नो अन्तिम खेल १९७९ मा खेलेका थिए ।

भारतका महान स्पिनरले आफ्नो टेस्ट करियरमा कुल २६६ विकेट लिएका छन् । योसँगै उनले भारतका लागि कुल १० ओडीआई खेल खेले जसमा उनले ७ विकेट लिएका थिए । सन् १९७० को दशकमा प्रसन्ना, चन्द्रशेखर र राघवनसँगै बिशनले आफ्नो स्पिनिङ बलबाट धेरै प्रसिद्धि कमाएका थिए ।

बिशन सिंह बेदीले आफ्नो अन्तर्राष्ट्रिय करियरको पहिलो खेल वेस्ट इन्डिजविरुद्ध खेलेका थिए । सिंहले डेब्यु खेलमा कुल २ विकेट लिए । सिंहले आफ्नो उत्कृष्ट स्पिन बलिङले विश्वका ठूला ब्याट्सम्यानलाई समस्यामा पारे । पूर्व स्पिनरले करियरको अन्तिम खेल सन् १९७९ मा इंग्ल्याण्डविरुद्ध खेलेका थिए ।

बिशन सिंह बेदीले अन्तर्राष्ट्रिय करियरलाई अलविदा गरेपछि प्रशिक्षकको रुपमा पनि काम गरेका थिए । बिशन सिंहले टीम इन्डियाका लागि धेरै युवा खेलाडीहरू तयार पारे, जसमा मुरली कार्तिक जस्ता ठूला नामहरू पनि थिए ।

कोचिङसँगै पूर्व बलरले कमेन्ट्रीमा पनि हात हालेका थिए । सन् १९९० मा बिशन सिंह न्युजिल्यान्ड र इङ्ल्यान्डको भ्रमणमा गएको भारतीय टोलीका प्रबन्धक पनि थिए । यससँगै उनले भारतीय क्रिकेटलाई राष्ट्रिय चयनकर्ताको रूपमा पनि सेवा दिएका थिए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
मधेशमा सरकार गठनका लागि दलहरूबीच रस्साकस्सी, जसपाले माग्यो ठूलो दलको हैसियतमा नेतृत्व
२०८३ मंग्सिर ४, शुक्रबार
इरानको अमेरिकालाई चेतावनी: सर्त मान, नत्र युद्धको सामना गर
२०८३ मंग्सिर ४, शुक्रबार
एमाले हार्नका लागि जन्मिएको पार्टी होइन, फेरि जित्छौँ : अध्यक्ष ओली
२०८३ मंग्सिर ४, शुक्रबार
Minister Mehta emphasizes curbing indiscriminate use of Antimicrobial drugs
२०८३ मंग्सिर ४, शुक्रबार
युक्रेनलाई नेटोसरह सुरक्षा ग्यारेन्टी दिन रुस सहमत हुने कुशनरको विश्वास
२०८३ मंग्सिर ४, शुक्रबार
Political parties consulted on chances of simultaneous elections
२०८३ मंग्सिर ४, शुक्रबार
सुशासन र आर्थिक रुपान्तरणबाट मुलुकमा समृद्धि आउँछ: अर्थमन्त्री वाग्ले
२०८३ मंग्सिर ४, शुक्रबार