भारत वार्ता गर्न तयार नहुनुले अचम्मित भएका छौं – परराष्ट्रमन्त्री

२७ जेठ, काठमाडौँ । परराष्ट्रमन्त्री प्रदीप ज्ञवालीले भारत वार्ता गर्न तयार नहुनुले आफु अचम्ममा परेको बताएका छन् ।

प्रतिनिधि सभामा विनियोजन विधेयक २०७७ मा मन्त्रालयगत छलफलमा सांसदहरुले सोधेको प्रश्नको जवाफ दिदै मन्त्री ज्ञवालीले भारत नेपालसँग वार्ता गर्न नखोज्नु अचम्मित भएको बताएका हुन् ।

तनावका बिच भारत र चीन धकेला धकेलको अवस्थालाई सामान्यीकरण गर्दै वार्ता हुनसक्छ भने नेपालसँग वार्ता नगर्नुको कुनै कारण नरहेको बताए ।

मन्त्री ज्ञवालीले भने, छोटो वार्ताका लागि ताकेता गरिरहेका छौं, वार्ताबाट नै समस्या समाधान हुन्छ भन्नेमा विश्वस्त रहेकोले अहिले अन्य विकल्पका बारेमा सोचेका छैनौ र त्यो जरुरी समेत छैन ।

मन्त्री ज्ञवालीले सुगौली सन्धिको आधारमा नेपालको हक स्थापित गर्न खोजेको बताउदै सन्धिमा भएको काली नदी नै हाम्रो सिमाना हो मात्र भन्न खोजेको बताए ।

भारतले ऐतिहासिक तथ्यलाई स्वीकार गरेमा यो समस्या ठुलो नभएको बताए ।