आदित्यनाथले बोलेको कुरा नेपालमाथिको अपहेलनाको रुपमा लिन्छु – प्रधानमन्त्री ओली

२८ जेठ, काठमाडौँ । प्रधानमन्त्री केपी शर्मा ओलीले उत्तर प्रदेशका मुख्यमन्त्रीले बोलेको कुरा सहि हो भने त्यो जायज नभएको बताएका छन् ।प्रतिनिधि सभामा बोल्दै प्रधानमन्त्री ओलीले आदित्यनाथले नेपाललाई धम्की दिएको भए त्यो निन्दनीय विषय भएको बताए ।

प्रधानमन्त्री ओलीले नेपाल हेपिन तयार छैन भन्दै यसलाई हामीले नेपालमाथिको अपहेलनाको रुपमा लिने स्मरण गराएका छन् ।

आदित्यनाथले जेठ २१ गते बुधबार लखनउमा इन्डो एसियन न्यूज सर्भिसलाई दिएको अन्तर्वार्ताका क्रममा नेपालले आफ्नो देशको राजनीतिक सीमा निर्धारण गर्नुभन्दा अघि त्यसबाट उत्पन्न हुने परिणामका बारेमा पनि सोच्नुपर्ने बताएका थिए ।