असार २९, २०८२ आइतबार
July 13, 2025
न्युज डेस्क
२०७७ जेठ २८, बुधबार
काठमाडौं । प्रधानमन्त्री केपी शर्मा ओलीले लकडाउन सरलीकरण गर्ने विषयमा आजै निर्णय गर्ने बताएका छन् । प्रतिनिधि सभाको बुधबारको बैठकमा बोल्दै उनले लकडाउनले कठिन बनाएको सामाजिक जीवन सहज तुल्याउने गरी निर्णय हुने जानकारी दिएका छन ।
कोभिड-१९ संक्रमण परीक्षण गर्न निजी क्षेत्रलाई दिने /नदिने विषयमा पनि आजै निर्णय हुने बताएका छन । विद्यार्थीको पठन/पाठन सञ्चालन र परीक्षाको विषयमा पनि ठोस निर्णय हुने बताएका छन ।
भारतलगायतका देशबाट फर्काउने पर्ने अवस्थामा रहेका नेपालीलाई क्रमशः ल्याउने व्यवस्था गरिने प्रधानमन्त्रीले जानकारी दिएका छन । विनियोजन विधेयकमाथिका सांसदहरूले उठाएका प्रश्नको जवाफ दिने क्रममा प्रधानमन्त्री ओलीले संसदलाई सम्बोधन गरेका हुन ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया