श्रावण ३, २०८२ शनिबार
July 19, 2025
युग खबर
२०८० मंग्सिर २३, शनिबार
काठमाडौंः विन्डोज १० प्रयोगकर्ताले माइक्रोसफ्टबाट थप सेक्युरिटी अपडेट पाउन शुल्क तिर्नुपर्ने भएको छ । इच्छुक प्रयोगकर्तालाई विन्डोज १० को एक्सटेन्डेड सेक्युरिटी अपडेट (ईएसयू) प्रोग्राम सब्सक्राइब गर्न माइक्रोसफ्टले विकल्प दिएको हो ।
माइक्रोसफ्टले डेस्कटपका लागि जारी गरेको पछिल्लो अपरेटिङ सिस्टम विन्डोज ११ हो । प्रयोगकर्ताबीच भने अझै पनि विन्डोज १० पनि उस्तै लोकप्रिय रहेको बताइन्छ ।
तर माइक्रोसफ्टले विन्डोज १० मा दिने औपचारिक सपोर्ट २०२५ अक्टोबर १४ मा समाप्त हुँदै छ । उक्त मितिपछि विन्डोज १० मा माइक्रोसफ्टले दिने सबै प्रकारको सपोर्ट बन्द हुने छ ।
त्यस्तो अपरेटिङ सिस्टम चलाउँद ह्याकरको पासोमा पर्ने सम्भावना अधिक हुन्छ । तर अब भने निश्चित रकम तिरेर उक्त मितिपछि पनि विन्डोज १० मा सेक्युरिटी अपडेट पाउन सकिने भएको हो ।
यसका लागि ईएसयू सब्सक्राइब गर्न व्यक्तिगत तथा संस्थागत दुवै तरिकाबाट सकिने माइक्रोसफ्टले बताएको छ । तर सब्सक्राइब गर्न लाग्ने शुल्क भने खुलाइएको छैन । तथापि तीन वर्षसम्म सेक्युरिटी अपडेट पाउन सकिने बताइएको छ ।
ईएसयू सब्सक्राइब गर्ने प्रयोगकर्ताले माइक्रोसफ्टबाट मासिक रूपमा सेक्युरिटि अपडेट पाउनेछन् । तर ईएसयू सब्सक्राइब गरेपनि सेक्युरिटी अपडेट बाहेक नयाँ फिचर, डिजाइन लगायतका सुविधा भने नदिने माइक्रोसफ्टले भनाइ छ । यसबारे थप बुझ्न यहाँ क्लिक गर्नुहाेस् । टेकपाना
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया