परराष्ट्रमन्त्री श्रेष्ठसँग भारतीय राजदूत श्रीवास्तवको भेटवार्ता

काठमाण्डौंः उपप्रधान एवं परराष्ट्रमन्त्री नारायणकाजी श्रेष्ठ र भारतीय राजदूतबीच भेटवार्ता भएको छ । बिहीवार बिहान मन्त्री श्रेष्ठ र राजदूत नवीन श्रीवास्तवबीच सिंहदरबारस्थित परराष्ट्र मन्त्रालयमा भेटवार्ता भएको हो ।

उपप्रधान तथा परराष्ट्रमन्त्री श्रेष्ठलाई भेट्न राजदूत श्रीवास्तव बुकी बोकेर मन्त्रालय पुगेका थिए ।

भेटवार्ताका क्रममा श्रीवास्तवले श्रेष्ठलाई बधाई दिँदै सफल कार्यकालको शुभकामना दिएको परराष्ट्र मन्त्रीको सचिवालयले जनाएको छ । भेटमा दुई पक्षीय हितका विभिन्न विषयमा छलफल भएको बताइएको छ । बुधवार मात्रै श्रेष्ठले परराष्ट्र मन्त्रालयको कार्यभार सम्हालेका थिए ।