जेठ ६, २०८१ आइतबार May 19, 2024

नेपाल र कतारबीच द्विपक्षीय वार्ता सुरू

द्विपक्षीय भेटवार्तापछि द्विपक्षीय सम्झौता र समझदारी पत्रमा हस्ताक्षर हुने

शेयर गर्नुहोस:
फन्ट परिवर्तन गर्नुहोस:

काठमाडौंः नेपाल र कतारबीच द्विपक्षीय वार्ता सुरू भएको छ।  नेपालको राजकीय भ्रमणमा रहेका कतारका अमिर (राजा) शेख तमिम बिन हमाद अल थानी र प्रधानमन्त्री पुष्पकमल दाहाल ‘प्रचण्ड’बीच एक्लाएक्लै भेटवार्तापछि प्रतिनिधिमण्डलसहितको द्विपक्षीय वार्ता सुरु भएको हो ।

दुई दिने नेपाल भ्रमणका लागि मंगलबार काठमाडौं आएका कतारका राजा थानी र प्रधानमन्त्री प्रचण्डबीच बुधबार बिहान एक्लाएक्लै वार्ता भएको थियो। द्विपक्षीय भेटवार्तापछि द्विपक्षीय सम्झौता र समझदारी पत्रमा हस्ताक्षर हुने कार्यक्रम छ।

परराष्ट्र मन्त्रालयका अनुसार कतारसँग विभिन्न ६ एमओयुमा हस्ताक्षर हुनेछन्। नेपाल र कतारको सरकारी समाचार एजेन्सी, महान्यायाधिवक्ताको कार्यालय र इन्स्टिच्युट अफ फरेन अफेयर्ससँग सम्बन्धित विषयमा तालिम र सहयोग आदान प्रदान सम्बन्धी हस्ताक्षर हुने कार्यक्रम रहेको छ।

यसै गरी शिक्षा र संस्कृति आदान प्रदानसँग सम्बन्धित विषयमा पनि हस्ताक्षर गर्ने कार्यक्रम पनि रहेको छ ।  बुधबार नै प्रधानमन्त्री प्रचण्डले कतारी राजा थानीका सम्मानमा होटेल द्वारिकाजमा दिवा भोजको आयोजना गरेका छन् । कतारी राजा थानी आजै स्वदेश फर्किने कार्यक्रम रहेको छ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया