राष्ट्रिय वाणिज्य बैंकको नायब प्रमुख कार्यकारी अधिकृतमा देवेश लोहनी

काठमाडौं : राष्ट्रिय वाणिज्य बैंकको सञ्चालक समितिले नायब प्रमुख कार्यकारी अधिकृत पदमा देवेशप्रसाद लोहनीलाई बढुवा गरेको छ ।

सञ्चालक समितिको २०८१/०३/०९ को निर्णय अनुसार उपकार्यकारी अधिकृत देवेश प्रसाद लोहनीलाई बैंकको रिक्त रहेको तह १२ को नायब प्रमुख कार्यकारी अधिकृत पदमा बढुवा गरिएको हो ।

०५१ सालमा कम्युटर प्रोग्रामर (तह७) को रुपमा बैंक सेवा प्रवेश गरेका लोहनीले व्यवस्थापन तथा भौतिक विज्ञानमा स्नातकोत्तर उत्तीर्ण तथा सूचना प्रविधिमा विभिन्न अन्तर्राष्ट्रिय कोर्सहरु पुरा गरेका छन् ।