असार २३, २०८२ सोमबार
July 7, 2025
युग खबर
२०८१ श्रावण १७, बिहिबार
१७ साउन, काठमाडौं । फ्रान्सको पेरिसमा भइरहेको पेरिस ओलम्पिकमा महिला फुटबलतर्फ क्वाटरफाइनल समीकरण पूरा भएका छन् । बुधबार राति लिग चरणका खेलहरु सकिएपछि क्वाटरफाइनल पुग्ने ८ वटै टोलीको टुङ्गो लागेको हो ।
समूह ए बाट फ्रान्स र क्यानडा शीर्ष दुईमा हरँदै क्वाटरफाइनल पुग्दा समूह बी बाट अमेरिका र जर्मनीले अन्तिम ८ मा स्थान बनाए ।
फ्रान्सले अन्तिम खेलमा न्युजिल्याण्डलाई २-० ले तथा क्यानडाले कोलम्बियालाई १-० ले पराजित गर्यो । समूह बीअन्तर्गत अमेरिकाले अष्ट्रेलियालाई २-१ ले तथा जर्मनीले जाम्बियालाई ४-१ ले हरायो ।
यस्तै समूह सी बाट स्पेन र जापान शीर्ष दुईमा रहँदै क्वाटरफाइनल पुगेका हुन् ।
ब्राजिलललाई अन्तिम खेलमा २-० ले पराजित गर्दै स्पेन समूह सी मा सबै तीन खेल जितेर शीर्ष स्थानमा रहेको हो । यस्तै नाइजेरियालाई ३-१ ले हराउँदै जापान समूह उपविजेता बन्यो ।
यसैगरी तेस्रो हुने मध्येबाट उत्कृष्ट दुईमा रहँदै न्युजिल्याण्ड र कोलम्बियाले पनि क्वाटरफाइनलमा स्थान बनाएका छन् ।
अब क्वाटरफाइनलमा आयोजक फ्रान्सले ब्राजिलसँग खेल्नेछ भने स्पेनले कोलम्बिया, अमेरिकाले जापान तथा क्यानडाले जर्मनीसँग खेल्नेछ । क्वाटरफाइनल खेलहरु अगष्ट ३ मा हुनेछ । यस्तै सेमिफाइनल खेल अगष्ट ६ र फाइनल खेल अगष्ट १० मा हुनेछ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया