मंग्सिर ४, २०८३ शुक्रबार November 20, 2026

अस्ट्रेलियाको मुख्य प्रशिक्षकमा पोपोभिच नियुक्त

टोनी पोपोभिच अस्ट्रेलियाको पुरुष फुटबल टोलीको नयाँ मुख्य प्रशिक्षक

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं। एसियन च्याम्पियन्स लिग विजेता टोनी पोपोभिच अस्ट्रेलियाको पुरुष फुटबल टोलीको नयाँ मुख्य प्रशिक्षकमा नियुक्त भएका छन्।

५१ वर्षीय पोपोभिचलाई सन् २०२६ को विश्वकपको अन्त्यसम्मका लागि नियुक्त गरिएको हो। उनले ग्राहम अर्नोल्डको स्थान लिएका छन्। एसिया जोनमा विश्वकप छनोटमा राम्रो सुरुआत गर्न नसकेपछि ग्राहमले गत हप्ता राजीनामा दिएका थिए।

पोपोभिचले भने, ‘मुख्य प्रशिक्षकको रूपमा अस्ट्रेलियाको नेतृत्व गर्ने अवसर पाउँदा म निकै गौरवान्वित छु। हाम्रो राष्ट्रिय टोलीलाई मार्गदर्शन गर्ने जिम्मेवारी पाउनु मेरो लागि सौभाग्यको कुरा हो, जसलाई म हल्का रूपमा लिन सक्दिनँ।’

सन् २०१४ मा वेस्टर्न सिड्नी वान्डरर्सलाई एसियन च्याम्पियन्स लिगको उपाधि दिलाएका पोपोभिचले अस्ट्रेलियाको ‘ए’ लिगमा पर्थ ग्लोरी र मेलबर्न भिक्ट्रीमा पनि सफल भूमिका निर्वाह गरेका छन्।

आफ्नो क्यारियरको सुरुमा पोपोभिचले क्रिस्टल प्यालेसमा सहायक प्रशिक्षकको रूपमा काम गरेका थिए। उनीसँग टर्की र ग्रिसका क्लबहरूमा प्रशिक्षण दिएको अनुभव पनि छ।

डिफेन्डरको रूपमा अस्ट्रेलियाका लागि ५८ क्याप जितेका पोपोभिचले आगामी ए लिग सिजनको लागि भिक्ट्रीसँग आफ्नो सम्झौता नवीकरण नगर्ने निर्णय गरेका थिए। उनले अक्टोबर १० मा चीनविरुद्ध घरेलु भूमिमा हुने छनोटमार्फत प्रशिक्षकमा डेब्यु गर्नेछन्। त्यसपछि पाँच दिन पछि यो टोलीले जापानको यात्रा गर्नेछ।

घरेलु मैदानमा बहराइनसँग हार बेहोरेको र इन्डोनेसियासँग ०–० गोलको बराबरी खेलेको अस्ट्रेलिया तेस्रो चरणको छनोटको पहिलो दुई खेलमा जितविहीन छ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
भारत भ्रमण स्वीकृत गर्दै मन्त्रिपरिषद् बैठकले गर्यो सात महत्त्वपूर्ण निर्णय
२०८३ मंग्सिर ४, शुक्रबार
जुवातास खेलिरहेको अवस्थामा २५ जना पक्राउ
२०८३ मंग्सिर ४, शुक्रबार
नेपाल-नर्वे जलवायु सहकार्य सुदृढ बनाउनबारे छलफल
२०८३ मंग्सिर ४, शुक्रबार
इरानमाथि सैन्य कारबाही अपरिहार्य भएको नेतान्याहुको दाबी
२०८३ मंग्सिर ४, शुक्रबार
राप्रपा महाधिवेशनमा अध्यक्षका लागि ज्ञानेन्द्र शाही पनि मैदानमा
२०८३ मंग्सिर ४, शुक्रबार
हाइड्रो हेरिटेज पर्यटनको गन्तव्य फर्पिङ
२०८३ मंग्सिर ४, शुक्रबार
चाँगुनारायण मन्दिरमा बिहानैदेखि भक्तजनको घुइँचो
२०८३ मंग्सिर ४, शुक्रबार