मंग्सिर ४, २०८३ शुक्रबार November 20, 2026

छिन्नमस्तामा तेस्रो राष्ट्रिय अध्यक्ष कप भलिबल प्रतियोगिता शुरु

आठ वटा टिमको सहभागिता रहेको प्रतियोगिता आगामी असोज २६ गतेसम्म सञ्चालन हुने

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः सप्तरीको छिन्नमस्ता गाउँपालिकामा तेस्रो राष्ट्रिय अध्यक्ष कप भलिबल प्रतियोगिता शुरु भएको छ ।

गाउँपालिकाको वडा नम्बर ३ स्थित सखडा बजारमा शनिबारदेखि शुरु भएको प्रतियोगिताको प्रमुख जिल्ला अधिकारी मेखबहादुर मंग्राती, गाउँपालिकाका अध्यक्ष विद्यानन्द चौधरीले संयुक्त रुपमा रिबन काटेर तथा भलिबल उचालेर उद्घाटन गरेका छन् ।

त्यस अवसरमा बोल्दै प्रमुख जिल्ला अधिकारी मंग्रातीले खेलकुद पनि विकासको अङ्ग भएकाले सबैले यसलाई प्राथमिकता दिनुपर्ने बताए । युवालाई खेलकुदमा सहभागी गराइराख्नुपर्ने बताउँदै उनले यसले शारीरिक र मानसिक दुवै स्वस्थ रहने बताउनुभयो ।

कार्यक्रममा गाउँपालिकाका अध्यक्ष विद्यानन्द चौधरीले आफू निर्वाचित भएर आएपछि प्रत्येक बर्ष यो प्रतियोगिताको आयोजना गर्न थालिएको बताउनुभयो । उहाँले खेलकुदको विकासलाई पनि अन्य विकास सँगसँगै अघि बढाउन गाउँपालिका लागिपरेको बताउँदै यसमा सबैले सहयोग गर्नुपर्ने बताउनुभयो । नेपाल पत्रकार महासङ्घ, सप्तरीका अध्यक्ष श्रवणकुमार देवले भलिबल सँगसँगै अन्य खेलको प्रतियोगिता आयोजना गर्न पनि सुझाव दिनुभयो ।

गाउँपालिका अध्यक्ष चौधरीको अध्यक्षतामा आयोजित प्रतियोगिताको उद्घाटन कार्यक्रममा छिन्नमस्ता मन्दिरका पिठाधीश महाकान्त ठाकुर, मैथिली साहित्य परिषद्का अध्यक्ष अवधेश झासहितकाले मन्तव्य व्यक्त गर्नुभएको थियो ।

आठ वटा टिमको सहभागिता रहेको प्रतियोगिता आगामी असोज २६ गतेसम्म सञ्चालन हुनेछ । प्रतियोगिताको विजयी टिमलाई रु १ लाख एक हजार र उप विजेता टिमलाई रु ५१ हजार नगद पुरस्कारसहित ट्रफी र प्रमाण पत्र वितरण गरिने आयोजक छिन्नमस्ता गाउँपालिकाले जनाएको छ ।

उद्घाटन खेलमा प्रहरी तालिम केन्द्र राजबिराज र छिन्नमस्ताबिच भएको प्रतिस्पर्धामा प्रहरी तालिम केन्द्र विजयी भएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
भारत भ्रमण स्वीकृत गर्दै मन्त्रिपरिषद् बैठकले गर्यो सात महत्त्वपूर्ण निर्णय
२०८३ मंग्सिर ४, शुक्रबार
जुवातास खेलिरहेको अवस्थामा २५ जना पक्राउ
२०८३ मंग्सिर ४, शुक्रबार
नेपाल-नर्वे जलवायु सहकार्य सुदृढ बनाउनबारे छलफल
२०८३ मंग्सिर ४, शुक्रबार
इरानमाथि सैन्य कारबाही अपरिहार्य भएको नेतान्याहुको दाबी
२०८३ मंग्सिर ४, शुक्रबार
राप्रपा महाधिवेशनमा अध्यक्षका लागि ज्ञानेन्द्र शाही पनि मैदानमा
२०८३ मंग्सिर ४, शुक्रबार
हाइड्रो हेरिटेज पर्यटनको गन्तव्य फर्पिङ
२०८३ मंग्सिर ४, शुक्रबार
चाँगुनारायण मन्दिरमा बिहानैदेखि भक्तजनको घुइँचो
२०८३ मंग्सिर ४, शुक्रबार