मंग्सिर ४, २०८३ शुक्रबार November 20, 2026

पहिलो टेस्टमा पाकिस्तानविरुद्ध इंल्यान्डको गतिलो जवाफ

पाकिस्तान भ्रमणमा रहेको इंल्यान्डले तीन म्याचको सिरिज खेल्ने

शेयर गर्नुहोस:
फन्ट परिवर्तन गर्नुहोस: अ अ अ

काठमाण्डौंः पाकिस्तानविरुद्धको पहिलो टेस्टको पहिलो इनिङ्समा इंल्यान्डले गतिलो जवाफ फर्काएको छ ।

बुधबार तेस्रो दिनको खेलको समाप्तिमा इंल्यान्डले ३ विकेटको क्षतिमा ४९२ रन बनाएको छ । इंल्यान्ड अबमात्र ६४ रनले पछि छ र ऊसँग ७ विकेट बाँकी छ ।

जोए रुट र हेरी ब्रुकले उत्कृष्ट पारी खेलेपछि इंल्यान्ड बलियो स्थितिमा पुगेको हो । रुट १७६ र ब्रुक १४१ रनमा नटआउट छन् । उनीहरुले चौथो विकेटका लागि २४३ रनको साझेदारी गरेका छन् ।

यसअघि एक विकेटको क्षतिमा ९६ रनबाट तेस्रो दिनको खेल थालेको इंल्यान्डका लागि ज्याक क्राउलेले ७८ र बेन डुकेटले ८४ रन बनाएका थिए । क्याप्टेन ओली पोप भने खातै नखोली आउट भएका थिए ।

यसअघि पहिला ब्याटिङ गरेको पाकिस्तानले पहिलो इनिङ्समा ५५६ रन बनाएको थियो । क्याप्टेन शान मक्सुदले १५१, सलमान आघाले १०४, अब्दुल्लाह सफिकले १०२ र साउद सकिलले ८२ रनको योगदान गरेका थिए ।

पाकिस्तान भ्रमणमा रहेको इंल्यान्डले तीन म्याचको सिरिज खेल्नेछ ।

दिनभर क्रिजमा देखिए जोए रुट

इंल्यान्डका भरपर्दा ब्याट्सम्यान जोए रुट पाकिस्तानविरुद्धको पहिलो टेस्टको पहिलो इनिङ्समा बुधबार दिनभर क्रिजमा देखिए । ३२ रनबाट तेस्रो दिनको खेल थालेका उनी दिनको खेलको समाप्तिमा १७६ रनमा नटआउट छन् । यसको अर्थ उनी चौथो दिन पनि क्रिजमा देखिने छन् ।

क्याप्टेन ओली पोप इनिङ्सको दोस्रो ओभरमा नै आउट भएपछि ३४ वर्षे रुट क्रिजमा छिरेका थिए । जुन समय दोस्रो दिनको खेलको दोस्रो सेसनको अन्तिमतिरको खेल जारी थियो । २७७ बलको सामना गरेका रुटले १२ चौका प्रहार गरेका छन् ।

रुटले ओपनर ज्याक क्रवेसँग दोस्रो विकेटका लागि १०९ र बेन डुकेटसँग तेस्रो विकेटका लागि १३६ रनको साझेदारी गरे । हेरी ब्रुकसँग भने उनले चौथो विकेटका लागि नटआउट २४३ रनको साझेदारी गरिसकेका छन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
भारत भ्रमण स्वीकृत गर्दै मन्त्रिपरिषद् बैठकले गर्यो सात महत्त्वपूर्ण निर्णय
२०८३ मंग्सिर ४, शुक्रबार
जुवातास खेलिरहेको अवस्थामा २५ जना पक्राउ
२०८३ मंग्सिर ४, शुक्रबार
नेपाल-नर्वे जलवायु सहकार्य सुदृढ बनाउनबारे छलफल
२०८३ मंग्सिर ४, शुक्रबार
इरानमाथि सैन्य कारबाही अपरिहार्य भएको नेतान्याहुको दाबी
२०८३ मंग्सिर ४, शुक्रबार
राप्रपा महाधिवेशनमा अध्यक्षका लागि ज्ञानेन्द्र शाही पनि मैदानमा
२०८३ मंग्सिर ४, शुक्रबार
हाइड्रो हेरिटेज पर्यटनको गन्तव्य फर्पिङ
२०८३ मंग्सिर ४, शुक्रबार
चाँगुनारायण मन्दिरमा बिहानैदेखि भक्तजनको घुइँचो
२०८३ मंग्सिर ४, शुक्रबार