सुनको मूल्य ह्वात्तै बढ्यो, चाँदी कति पुग्यो ?

काठमाण्डौं । नेपाली बजारमा शुक्रबार सुनको भाउ उकालो लागेको छ।

नेपाल सुनचाँदी व्यवसायी महासंघका अनुसार आज सुनको भाउ तोलामा १ हजार ३०० रुपैयाँले बढेको हो। योसँगै प्रतितोला छापावाल सुन १ लाख ५७ हजार ९०० रुपैयाँ पुगेको छ।

हिजो बिहीबार पनि सुनको भाउ १ हजार २०० रुपैयाँले बढेको थियो। यो दिन छापावाल सुन प्रतितोला १ लाख ५६ हजार ६०० रुपैयाँमा कारोबार भएको थियो।

आज चाँदीको भाउ पनि तोलामा १० रुपैयाँले बढेर १ हजार ८९० रुपैयाँ भएको छ। हिजो तोलामा ५० रुपैयाँले बढेर चाँदी १ हजार ८८० रुपैयाँमा कारोबार भएको थियो।