असार २३, २०८२ सोमबार
July 7, 2025
युग खबर
२०८१ चैत्र २, शनिबार
काठमाण्डौः कर्णाली राजमार्गको तिलागुफा ५ खल्लागाडमा एसएमएल हाइस दुर्घटना हुँदा ८ जना घाइते भएका छन् ।
जुम्लाबाट सुर्खेत जाँदै गरेको कर्णाली प्रदेश ०२००१ ख ००९८ नम्बरको हाइस दुर्घटना हुँदा ८ जना घाइते भएका हुन् । घाइते मध्ये ५ जनाको अवस्था चिन्ताजनक छ भने ३ जना सामान्य छन् । १५ जना सवार गाडी ओरालो सडकमा ब्रेक नलाग्दा माड्ने क्रममा सडकमै पल्टिएको छ ।
सुर्खेत जाँदै गरेका सिंजा ३ का ५२ वर्षीय धनमाने सार्की, सोही ठाउँका ६० वर्षीय मनजीते सार्की, ६५ वर्षीया जर्मा सुनार, सोही गाउँकी ६४ वर्षीया मनकन्या चौलागाई, जुम्ला कनकासुन्दरी ६ का ३९ वर्षीय कर्ण भण्डारी घाइते भएका जिल्ला प्रहरी कार्यालयका सूचना अधिकारी गोविन्द चौधरीले बताए ।
कालिकोटको तिलागुफा नगरपालिका वडानं. ८ का तिलप्रसाद न्यौपाने, जयचन्द्र चौलागाई र पूर्ण प्रसाद चौलागाईं पनि घाइते भएको स्थानीय बासि तथा प्रत्यक्षदर्शी मनमोहन पाण्डेले बताए।
घाइतेको राचुली नगर अस्पतालमा प्राथमिक उपचारपछि थप उपचारको लागि कर्णाली स्वास्थ्य विज्ञान प्रतिष्ठान जुम्ला पठाइएको छ ।
गाडीको ब्रेक नलागेर दुर्घटना भएको प्रहरीको प्रारम्भिक अनुमान छ। कर्णाली राजमार्गको विभिन्न ठाउँमा पहिरोले क्षत विक्षत गरेर कर्णाली राजमार्ग जोखिमपूर्ण अवस्थामा छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया