असार २३, २०८२ सोमबार
July 7, 2025
युग खबर
२०८२ असार ७, शनिबार
काठमाडौं । नेकपाका महासचिव नेत्रविक्रम चन्दले नेकपा (माओवादी केन्द्र) का अध्यक्ष पुष्पकमल दाहालसँग भेट गरेका छन् । प्रचण्डलाई भेट्न विप्लव आज (शनिबार) विहान खुमलटार पुगेका हुन् । पछिल्लो समय विप्लवले राजनीतिक भेटवार्तालाई तिव्रता दिएका छन् ।
नेसपा (नयाँ शक्ति) का अध्यक्ष तथा पूर्व प्रधानमन्त्री डा. बाबुराम भट्टराई, नेकपा (एकीकृत समाजवादी) का सम्मानित नेता झलनाथ खनालसँग भेटेका विप्लवले आज भने प्रचण्डसँग भेट गरेका हुन् । पछिल्लो समय नेकपा र माओवादी केन्द्रबीच पनि एकताको हल्ला चलेको थियो ।
तर, विप्लले सार्वजनिक कार्यक्रममार्फत नै एकताको लागि माओवादी नेतृत्व पँक्ति गम्भीर नबनेको आरोप लगाउने गरेका छन् । प्रचण्डले भने भर्खरै नेसपाका सहअध्यक्ष गंगानारायण श्रेष्ठ समूहसँग एकता गरेका छन् । श्रेष्ठ अहिले माओवादी केन्द्रको सचिवको जिम्मेवारीमा छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया