असार २०, २०८२ शुक्रबार
July 4, 2025
युग खबर
२०८२ असार ११, बुधबार
काठमाण्डौः एएफसी यू–२३ एसियन कप छनोटका लागि नेपाली टोलीको मुख्य प्रशिक्षकमा नविन न्यौपाने नियुक्त भएका छन् ।
ताजिकिस्तानमा हुने प्रतियोगिताका लागि एन्फाले पूर्वखेलाडी तथा अन्तरिम प्रशिक्षकका रूपमा सिनियर टिम सम्हालिसकेका न्यौपानेलाई नियुक्त गरेको हो ।
अखिल नेपाल फुटबल संघ (एन्फा)का कार्यवाहक महासचिव दामोदर भट्टराईले एन्फा कार्यसमिति सदस्य पुरुषोत्तम थापा, मनिष जोशी, सीईओ इन्द्रमान तुलाधरलगायत अन्य पदाधिकारीहरूको उपस्थितिमा न्यौपानेलाई नियुक्ति पत्र हस्तान्तरण गरेका हुन्।
आगामी सेप्टेम्बर ३ देखि ९ सम्म ताजिकिस्तानमा हुने उक्त प्रतियोगितामा नेपाल समूह ‘एच’ मा परेको छ।
यस समूहमा नेपालसँगै ताजिकिस्तान, सिरिया र फिलिपिन्स रहेका छन्।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया