जेनजी आन्दोलनकारीबाट मारिएका प्रहरीलाई १० लाख रुपियाँ उपलब्ध गराउने

सोमबार प्रहरी प्रधान कार्यालय, नक्सालका प्रहरी नायव महानिरीक्षक (डीआईजी) एवम् केन्द्रीय प्रवक्ता विनोद घिमिरेद्वारा जारी प्रेस विज्ञप्तिअनुसार प्रहरी महानिरीक्षक (आईजीपी)देखि प्रहरी निरीक्षकसम्मको तलब कट्टा गरी प्रतिपरिवार जनही १० लाख रुपियाँ उपब्ध गराइनेछ ।

विज्ञप्तिमा भनिएको छ, ‘मिति २०८२ भदौ २३ र २४ गते आन्दोलनका क्रममा कर्तव्य पालनाको सिलसिलामा मृत्युवरण गरेका अमर प्रहरीका परिवारजनलाई नेपाल प्रहरीमा कार्यरत प्रहरी महानिरीक्षकदेखि प्रहरी निरीक्षक (ईन्स्पेक्टर)सम्मको तलब कट्टा गरी प्रतिपरिवार जनही रु. १० लाख उपलबध गराउने निर्णय भएको व्यहोरा अनुरोध छ ।’

जेनजी आन्दोलन नाममा प्रहरी कर्मचारीहरूलाई कार्यालयभित्र थुनेर जलाउने, कुटपिट गरेर हत्या गर्ने, बागमती नदीमा पानीमा डुबाएर हत्या गर्ने लगायतका गतिविधि भएका छन् । सुरक्षाका निमित्त खटिएका प्रहरी कर्मचारीहरूलाई आन्दोलनकारीबाट निर्मम तरिकाले यातना दिइर हत्या गर्ने र कुटपिट गरी गम्भीर घाइते बनाउने कार्य भएका छन् । साथै प्रहरी कर्मचारीहरूका लत्ताकपडा, हतियार लगायतका सामग्री समेत लुटपाट भएका छन् ।