श्रावण १, २०८२ बिहिबार
July 17, 2025
युग खबर
२०७७ भाद्र २०, शनिबार
काठमाण्डाैंः प्रतिबन्धित नेत्रविक्रम चन्द नेतृत्वको नेकपाका केन्द्रिय नेता अनिल शर्मा ‘विरही’ अस्पतालबाटै गिरफ्तार भएका छन् । चितवनको भरतपुर अस्पतालमा उपचाररत उनलाइ प्रहरीले शनिबार अपराह्न पक्राउ गरेको हो ।
उनलाई भरतपुर अस्पतालले डिस्चार्ज गरेसँगै प्रहरीले नियन्त्रणमा लिएको हो । जिल्ला प्रहरी कार्यालय चितवनका प्रवक्ता सूर्यबहादुर थापाले धनुषामा विरही विरुद्ध मुद्धा भएकाले नियन्त्रणमा लिइएको जानकारी दिए ।
जिल्ला प्रहरी कार्यालयको भ्यानमा राखेर उनलाई प्रहरी कार्यालय पुर्याइएको छ । धनुषा प्रहरीसँग समन्वय भइरहेकाले विरहीलाई धनुषा नै पठाइने प्रवक्ता थापाले जानकारी दिए ।
नेता विरही वैशाखदेखि नै भरतपुर अस्पतालमा उपचाररत थिए । घरमा काम गर्दा लडेपछि ढाँडमा समस्या हुँदा विरही उपचारका लागि पुरानो मेडिकल कलेज आएका थिए ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया