विद्युत प्राधिकरणको निमित्त कार्यकारी निर्देशकको जिम्मेवारी कोइरालालाई

काठमाडौंः नेपाल विद्युत प्रधिकरणका निर्वतमान कार्यकारी निर्देशक कुलमान घिसिङ प्राधिकारणबाट बिदा भएसंगै प्राधिकरणको निमित्त कार्यकारी निर्देशकको जिम्मेवारी लेखनाथ कोइरालाले पाएका छन् ।

ऊर्जामन्त्री वर्षमान पुनले अर्को व्यवस्था नहुन्जेलसम्मका लागि कोइरालाई निमित्तको जिम्मेवारी दिएको ऊर्जामन्त्रीका प्रेस संयोजक दयानिधि भट्टले बताए ।

गत आइतबार कार्यकाल ४ बर्षे कार्यकाल सकिएका घिसिङको आज विद्युत प्राधिकरणबाट बिदाइ गरिएको थियो । प्राधिकरणमा उपकार्यकारी निर्देशकको भूमिकामा रहेका कोइरालालाई वरिष्ठताको आधारमा सो जिम्मेवारी दिइएको हो ।

घिसिङको पुनर्नियुक्तिको माग गर्दै चौतर्फी आवाज उठेपनि मन्त्रिपरिषद्बाट भने कुनैपनि निर्णय हुन सकेको छैन ।