असार २६, २०८२ बिहिबार
July 10, 2025
युग खबर
२०७७ भाद्र ३१, बुधबार
काठमाडौंः असोज ५ गतेबाट वायुसेवा कम्पनीहरु अन्तरिक उडान गर्न तयार भएका छन् । संस्कृति, पर्यटन तथा नागरिक उड्डयन मन्त्रालयमा बुधबार भएको छलफलमा वायुसेवा कम्पनीहरूले असोज १ गतेबाट उडान गर्ने सरकारी निर्णय भएपनि आवश्यक तयारी गर्दै असोज ५ गतेबाट उडान गर्न सहमत भएका हुन् ।
५ गतेबाट सुरु हुने उडान सबै गन्तव्यलाई समेटेर कोभिड महामारी सुरु हुनु अगाडि भएको उडान संख्याको २५ प्रतिशत मात्रै उडान हुने भएको छ । उडान तालिका विमानस्थल कार्यालयले वायुसेवा कम्पनीहरूसँगको छलफलमा तय गर्ने सहमति भएको बताइएको छ ।
वायुसेवा सञ्चालकहरुले ५० प्रतिशत मात्रै यात्रु बोक्ने विषयमा भने असहमति जनाएका थिए । भाडाको विषयमा भने वायुसेवा सञ्चालकहरुले छलफल गरेर प्राधिकरणलाई सुझाव दिने र सोही अनुसार कायम हुने भएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया