बैसाख १७, २०८३ बिहिबार
April 30, 2026
युग खबर
२०८२ चैत्र ३, मंगलबार
काठमाडौं । राष्ट्रपति रामचन्द्र पौडेल पितृशोकमा रहेका केपी शर्मा ओली लाई भेट्न भक्तपुरको गुण्डु पुगेका छन्। पूर्वप्रधानमन्त्री तथा नेकपा एमाले का अध्यक्ष ओलीलाई समवेदना व्यक्त गर्न राष्ट्रपति पौडेल आज बिहान त्यहाँ पुगेका हुन्।
ओलीका पिता मोहनप्रसाद ओली को गत शुक्रबार ९७ वर्षको उमेरमा निधन भएको थियो। उहाँको निधनपछि विभिन्न राजनीतिक दलका शीर्ष नेताहरूले ओलीलाई भेट्दै समवेदना व्यक्त गरिरहेका छन्।
राष्ट्रपति पौडेलले शोकसन्तप्त परिवारप्रति गहिरो समवेदना व्यक्त गर्दै दिवंगत आत्माको चिरशान्तिको कामना गरेका छन्। साथै, यस दुःखद् घडीमा परिवारजनलाई धैर्य धारण गर्ने शक्ति प्राप्त होस् भन्ने कामना पनि व्यक्त गरिएको छ।
पछिल्ला दिनहरूमा गुण्डुस्थित निवासमा पुगेर विभिन्न राजनीतिक नेतृत्व तथा शुभेच्छुकहरूले ओलीप्रति समवेदना प्रकट गर्ने क्रम जारी रहेको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया