सुन चाँदीको मूल्य ह्वात्तै घट्यो

काठमाडौं । नेपाली बजारमा आज मंगलबार सुन–चाँदी दुवैको मूल्य घटेको छ ।

हिजो सोमबार तोलामा एक हजार ४०० रुपैयाँ बढेको सुनको भाउ आज मंगलबार चार हजार ३०० रुपैयाँ घटेको हो ।

नेपाल सुनचाँदी व्यवसायी महासंघका अनुसार आज सुन प्रतितोला दुई लाख ८४ हजार २०० रुपैयाँमा कारोबार भइरहेको छ । हिजो सोमबार दुई लाख ८८ हजार ५०० रुपैयाँमा कारोबार भएको थियो ।

यस्तै आज मंगलबार चाँदी चार हजार ३१० रुपैयाँमा कारोबार भइरहेको छ । हिजो सोमबार चार हजार ४४५ रुपैयाँमा कारोबार भएको थियो । यो मूल्य अघिल्लो दिनको तुलनामा प्रतितोला एक सय ३५ रुपैयाँ घटेको हो ।