सुनको मूल्य घट्यो

काठमाडौँ । नेपाली बजारमा आज बिहीबार सुनको मूल्य सामान्य घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ५ सय रुपैयाँले घटेर ३ लाख ६ हजार २०० रुपैयाँमा कारोबार भइरहेको छ ।

सुन अघिल्लो दिन ३ लाख ६ हजार ७०० रुपैयाँमा कारोबार भएको थियो ।

त्यस्तै, आज चाँदीको मूल्य भने बढेको छ । महासंघका अनुसार आज चाँदी प्रतितोला ५ रुपैयाँले बढेको हो ।

अघिल्लो दिन ४ हजार ७४५ रुपैयाँमा कारोबार भएको चाँदी आज ५ रुपैयाँले बढेर ४ हजार ७५० रुपैयाँमा कारोबार भइरहेको छ ।