म्याग्दीमा हातहतियारसहित एक पक्राउ

काठमाण्डाैंः म्याग्दीको अन्नपूर्ण गाउँपालिका–८ काफलडाँडा बस्ने ३१ वर्षीय अम्बर गर्बुजालाई प्रहरीले विभिन्न हातहतियारसहित पक्राउ गरेको छ।

उनलाई ईलाका प्रहरी कार्यालय घोडेपानीबाट खटिएको प्रहरीले १ थान एकनाले भरुवा बन्दुक, १७ थान छर्रा, ४४ थान फलामका टुक्रा र १०० ग्राम बारुदसहित आइतबार बिहान प्रहरीले पक्राउ गरेको छ।

विशेष सूचनाको आधारमा प्रहरीले उनलाई उक्त हतियारसहित फेला पारी पक्राउ गरेको हो।  यस सम्बन्धमा प्रहरीले थप अनुसन्धान गरिरहेको छ।