काठमाडौं। ट्राफिक प्रहरीले पछिल्लो २४ घण्टामा ट्राफिक नियम उल्लघंन गर्ने ७२३ वटा सवारीसाधनका चालकलाई कारबाही गरेको छ।
शुक्रबार बिहानसम्म काठमाडौं उपत्यकाका विभिन्न स्थानमा ट्राफिक प्रहरीले सञ्चालन गरेको विशेष जाँचका क्रममा मादक पदार्थ सेवन (मापसे) गरी सवारीसाधन चलाउने ५८ जना, सिसिटिभिमार्फत नियम उल्लंघन गर्ने २५ जना र रातो बत्तीको पालना नगर्ने २० जना चालकलाई कारबाही गरिएको हो।
त्यसैगरी, तीव्र गतिमा सवारी चलाउने १३२ जना, निषेध गरिएको क्षेत्रमा हर्न बजाउने ६ जना, अवस्था ठीक नभएका सवारी चलाउने ६ जना, लेन क्रस गर्ने २ जना र अन्य विभिन्न कसुरमा ४७३ जना चालकलाई कारबाही गरिएको ट्राफिक प्रहरीले जनाएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया