नेपालमा सक्रिय संक्रमितको संख्या ३० हजार ९८६ पुग्यो- पछिल्लो २४ घण्टामा थप १७ जनाको मृत्यु

काठमाण्डौंः नेपालमा मंगलवार थप ५०२ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार नेपालमा मंगलवारसम्म सक्रिय संक्रमितको संख्या ३० हजार ९८६ जना रहेका छन् ।

योसँगै नेपालमा कोरोना संक्रमितको संख्या २ लाख ११ हजार ४७५ जना पुगेको छ । नेपालमा हालसम्म कोरोनाबाट निको हुनेको संख्या १ लाख ७९ हजार २४२ जना पुगेको छ। मन्त्रालयका अनुसार विगत २४ घण्टामा थप १७ जनाको कोरोना संक्रमणबाट मुत्यु भएको छ ।

योसँगै कोरोना संक्रमणबाट १ हजार २४७ जनाको मृत्यु पुष्टि भएको छ । विगत २४ घण्टामा २ हजार ८७८ जना कोरोना संक्रमणबाट मुक्त भई  डिस्चार्ज भएका छन् ।

मन्त्रालयका अनुसार हालसम्म नेपालमा १६लाख १७ हजार २३ ओटा पीसीआर परीक्षण भएको छ । मन्त्रालयका अनुसार हाल क्वारेन्टाइनमा १ हजार ३ जना रहेका छन् ।  त्यसैगरी आईसोलेशनमा ३० हजार ९८६ जना रहेका छन् ।