संवैधानिक परिषद्को बैठकमा कोरम नपुगेपछी साँझ बस्ने गरी स्थगित

काठमाण्डौंः संवैधानिक परिषद्को बैठकमा कोरम नै नपुगेपछि अन्ततः स्थगित भएको छ । प्रधानमन्त्रीको सरकारी निवास बालुवाटारमा मंगलबार बिहान १० बजे बोलाइएको बैठकमा सभामुख अग्नी प्रसाद सापकोटा अनुपस्थित भएपछि बैठक स्थगित भएको हो ।

अर्को बैठक आज साँझ ५ बजेका लागि पुनः बोलाइएको छ । प्रधानमन्त्री अ‍ोलीले सभामुख सापकोटालाई बैठकमा ल्याउनका लागि पहल गर्ने बालुवाटार स्रोतले जानकारी दियो ।

बैठकमा प्रधानमन्त्री केपी शर्मा अ‍ोली, प्रतिपक्षी दलका नेता शेरबहादुर देउवा , राष्ट्रियसभा सदस्य गणेशप्रसाद तिमिल्सिना, प्रधानन्यायाधीश चोलेन्द्र शमशेर जबरा उपस्थित थिए । ६ जना सदस्य रहेको परिषद्मा पाँच जना सदस्य अनिवार्य उपस्थित हुनुपर्ने व्यवस्था रहेको छ ।

परिषदमा प्रधानमन्त्री अध्यक्षसहित प्रधानन्यायाधीश, सभामुख, उपसभामुख, राष्ट्रिय सभाका अध्यक्ष र प्रतिपक्षी दलका नेता सदस्य रहने व्यवस्था छ । हाल उपसभामुखको कोटा रिक्त रहेको छ ।