संवैधानिक परिषदको बैठक बालुवाटारमा जारी- सभामुख र प्रतिपक्ष दलका नेता अनुपस्थित

काठमाण्डौंः संवैधानिक परिषदको बैठक प्रधानमन्त्री निवाश बालुवाटारमा सुरु भएको छ ।

नयाँ अध्यादेश जारी भए अनुसार ३ जना मात्रैले पनि कोरम संख्या पुग्ने भएकाले संबैधानिक परिषद बैठक शुरु भएको प्रधानमन्त्री ओलीका प्रेस सल्लाहकार सुर्य थापाले जानकारी दिएका छन् । बैठकले संबैधानिक निकायहरुको नियुक्ति गर्न सक्ने संभावना रहेको बताईएको छ ।

साँझ सवा पाँच बजेबाट जारी बैठकमा प्रधानमन्त्री ओली, प्रधानन्यायाधीश चोलेन्द्र शम्सेर राणा र राष्ट्रियसभाका अध्यक्ष गणेश तिमिल्सिना सहभागी छन् । बैठकमा सहभागी तीनै जनाले हाँसेर फोटो समेत खिचाएका छन् ।

प्रमुख प्रतिपक्षी दल नेपाली काँग्रेसका सभापति शेर बहादुर देउवा र प्रतिनिधि सभाका सभामुख अग्निप्रसाद सापकोटा अनुपस्थित छन् । त्यसैगरी प्रतिनिधि सभाका उपसभामुख पद रिक्त रहेको छ ।