असार २८, २०८२ शनिबार
July 12, 2025
युग खबर
२०७७ माघ २, शुक्रबार
काठमाण्डौंः नेपाल र भारतका परराष्ट्रमन्त्री स्तरीय संयुक्त आयोगको बैठक सुरु भएको छ।
नयाँ दिल्लीस्थित हैदरावाद हाउसमा शुक्रबार बिहान साढे ११ बजेबाट संयुक्त आयोगको बैठक सुरु भएको हो। बैठकको अध्यक्षता परराष्ट्रमन्त्री प्रदीप ज्ञवाली र उनका भारतीय समकक्षी एस जयशंकरले संयुक्त रुपमा गरेका छन्।
बैठकमा नेपाल–भारत द्विपक्षीय सम्बन्ध, व्यापार, ऊर्जा तथा जलस्रोत, पारवहन, कृषि, पर्यटन, कोभिड–१९ सहकार्य लगायतका विषयमा छलफल हुनेछ। बैठकमा नेपाल–भारत सीमाका सम्बन्धमा पनि छलफल हुने सम्भावना छ।
बिहीबार नयाँ दिल्ली गएका परराष्ट्रमन्त्री ज्ञवाली संयुक्त आयोगको बैठकमा सहभागी भएर शनिबार स्वदेश फर्किने कार्यक्रम कार्यक्रम रहेको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया