असार २८, २०८२ शनिबार
July 12, 2025
युग खबर
२०७७ फागुण १९, बुधबार
काठमाण्डौंः नेपाल राष्ट्र बैङ्कले विद्युतीय कारोबारको सीमा दोब्बरले बढाएको छ । राष्ट्र बैङ्कले भुक्तानी प्रणाली सम्बन्धी एकीकृत निर्देशन २०७७ मा संशोधन गर्दै दोब्बर सीमा निर्धारण गरेको हो ।
अब मोबाइल बैङ्किङ मार्फत दैनिक २ लाख रुपैयाँसम्म कारोबार गर्न सकिनेछ । यसअघि यो सीमा प्रतिदिन १ लाख रुपैयाँ थियो ।
यसैगरी, केन्द्रीय बैङ्कले इन्टरनेट बैङ्किङ (मर्चेन्ट पेमेन्ट) मार्फत र इन्टरनेट बैङ्किङ (एकाउन्ट ट्रान्सफर) मार्फत २० लाख दैनिक कारोबार गर्न मिल्ने बनाएको जनाएको छ । यसअघि यी दुवै कारोबार सीमा पनि १० लाख रुपैयाँ थियो ।
उक्त सीमा कुनै व्यक्तिको नाममा बैक तथा वित्तीय संस्थामा रहेको एउटा खाताबाट सोही व्यक्तिको नाममा पैसा पटाउँदा भने लागू नहुने राष्ट्र बैङ्कले जनाएको छ । साथै, सरकारी कार्यालयमा भुक्तानी गर्नुपर्ने कर, राजस्व, जरिवाना, सवारी दस्तुर, विद्युत् सेवा, दूरसञ्चार सेवा, बिमा प्रिमियम लगायतमा पनि लागू हुने छैन ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया