श्रावण ५, २०८२ सोमबार
July 21, 2025
युग खबर
२०७७ फागुण २०, बिहिबार
काठमाण्डौंः नेपाल कम्युनिष्ट पार्टी (नेकपा) प्रचण्ड-नेपाल समुहका नेताहरु निर्वाचन आयोग पुगेका छन् ।
बिहीबार दिउँसो नेताहरु पार्टीको आधिकारिकता दावी गर्दै दिएको पत्रबारे छिटो निर्णय गर्न दबाब दिन र प्रचण्ड–माधव पक्षको केन्द्रीय कमिटी बैठकले गरेको निर्णयबारे जानकारी गराउन आयोग पुगेका हुन् ।
प्रचण्ड नेपाल पक्षबाट लीलामणि पोखरेल, राजेन्द्र पाण्डे लगायत नेता आयोग कार्यालय पुगेका हुन् । पुस ५ गते प्रधानमन्त्री केपी ओलीले प्रतिनिधिसभा विघटन गरेपछि नेकपा दुई पक्षमा विभाजित भएको छ।
नेकपाको ओली पक्षले फाल्गुन २३ गते पछी मात्रै आधिकारिकता दिन दबाब दिईरहेको समाचार सार्वजनिक भईरहेको बेला प्रचण्ड-नेपाल पक्षले संसद बैठक शुरु हुनु अगावै निर्णय दिन दवाब स्वरुप बिहिबार निर्वाचन आयोग पुगेको बताईएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया