सीईडीबी हाइड्रोको आईपीओ बाँडफाँड – २ लाख ३४ हजार १९५ जनामात्र भाग्यमानी

काठमाडौंः सीईडीबी हाइड्रोपावरको आईपीओ आज बाँडफाँड भएको छ ।

कम्पनीको बिक्री प्रवन्धक सनराइज क्यापिटलले शुक्रबार भर्चुअल माध्यमबाट आईपीओ बाँडफाँड गरेको बताएको छ । १६ लाख ८५ हजार ६२७ जना योग्य अवेदकमध्ये २ लाख ३४ हजार १९५ जनालाई १० कित्ताका दरले आईपीओ परेको सनराइज क्यापिटलले जनाएको छ ।

यसैगरी, बाँडफाँड भएको कित्ताबाट रहन आएको ४ सय कित्तालाई कम्पनीले १० कित्ताभन्दा माथि भर्ने आवेदकलाई थप १/१ कित्ताका दरले दिइएको छ । ४ हजार ४४२ जना आवेदन भने अयोग्य ठहरिएको थियो । आईपीओको नतिजा सनराइज क्यापिटलको वेबसाइट र मेरो सेयरबाट हेर्न सकिने बताइएको छ ।

सीईडीबीले २५ लाख १८ हजार २३० कित्ता आईपीओ बिक्री खुल्ला गरेको थियो ।