‘कोरोनाबाट बच्न घरबाटै डिजिटल कारोबार गरौं’- बैंकसं संघ

काठमाण्डौः कोभिड–१९ संक्रमणको दोस्रो लहर तीव्र गतिमा फैलिएसँगै बैंक तथा वित्तीय संस्थाहरूले सम्भव भएसम्म डिजिटल बैंकिङ सेवा बढीभन्दा बढी प्रयोगमा जोड दिन थालेका छन् ।

सरकारले कोभिड–१९ संक्रमणको दोस्रो लहर तीव्र गतिमा फैलिएसँगै मुलुकमा विषम परिस्थिति सिर्जना हुन थालेपछि अहिले अधिकांश जिल्लामा निषेधाज्ञा जारी गरिएकाे छ ।

निषेधाज्ञाको समयमा आर्थिक कारोबार घरबाटै गर्न गराउन नेपाल राष्ट्र बैंक, नेपाल बैंकसं संघलगायतले आग्रह गरिरहेका छन् ।

कोभिड–१९ को प्रभावबाट बच्न तथा जोखिम न्यूनीकरणका लागि उनीहरूले डिजिटल बैंकिङका सेवाबाटै हुने कामका लागि बैंकमा नआउन आग्रह गरेका छन् ।

यसका लागि गत बिहीबार एक सूचना जारी गर्दै बैंकसर्स संघले अब बैंकबाट खातामा रहेकाे रकम निकाल्न, ५० हजारभन्दा माथिकाे रकम मात्र डिपाेजिट गर्न, रकम स्थानान्तरण (चेक/आईपीएस/ आरटीजीएस), विप्रेषण भुक्तानी र अन्तर्राष्ट्रिय व्यापारसँग सम्बन्धित सेवा मात्रै लिन सकिन्छ ।

यसकारण सकेसम्म डिजिटल बैंकिङ र भुक्तानी सेवाकाे प्रयाेगमा जाेड दिन सके काेभिड १९ बाट सुरक्षित हुन सकिने विश्वास गरिएकाे छ ।

साथै बीमा कम्पनीहरूको नियामक निकाय बीमा समितिले पनि कम्पनीहरूको कार्यप्रणाली सम्भव भएसम्म अनलाइनमार्फत गर्न आग्रह गरेकाे छ । जीवन तथा निर्जीवन बीमा कम्पनीहरूलाई निषेधाज्ञा अवधिभर अनलाइनमार्फत बीमालेख जारी गर्न समितिले निर्देशन दिएको हाे । टेकपाना