महन्थ-राजेन्द्र समूहका चारजना मन्त्री बर्खास्त

आइतबार साँझ मुख्यमन्त्री राउतले महन्थ-राजेन्द्र समूहबाट मन्त्री बनेका चार मन्त्रीलाई बर्खास्त गरेका हुन् । बर्खास्त हुनेमा मन्त्रीहरू जितेन्द्र सोनल, डिम्पल झा, अभिराम शर्मा र सुरेश मण्डल रहेका छन् ।

सत्तासमीकरणलाई लिएर विवादमा रहेको जसपाको विवाद प्रदेश २ सम्म पुगेको छ । फुटको सँघारमा रहेको जसपाभित्र केन्द्रमा प्रधानमन्त्री केपी ओलीलाई सहयोग गर्ने वा विपक्षी गठबन्धनलाई सहयोग गर्ने भन्ने विषयमा विवाद हुँदा राजनीतिक रूपमा जसपा विभाजित भइसकेको छ ।

महन्थ-राजेन्द्र समूह पार्टी कार्यकारिणी समितिको निर्णय बिपरित प्रधानमन्त्री केपी शर्मा ओली नेतृत्वको सरकारमा सहभागी भएपछि अर्का अध्यक्ष उपेन्द्र यादव गत शुक्रबार जनकपुर पुगेका थिए । उनले आजै आइतबार मात्रै प्रदेश २ को संसदीय दलको विधान पारित र मुख्यमन्त्री राउतलाई दलको नेता चयन गरेका थिए । त्यसको केही घन्टामा महन्थ-राजेन्द्र समूहका चार मन्त्रीलाई मुख्मयन्त्री राउतले समेत बर्खास्त गर्ने निर्णय गरेका छन् ।