काठमाडौंः राष्ट्रिय प्रजातन्त्र पार्टी (राप्रपा)का अध्यक्ष कमल थापाले हिन्दुराष्ट्र र राजसंस्था पुनर्स्थापनाको लागि देशव्यापी आन्दोलन गर्ने बताएका छन् ।
शनिवार राप्रपा काठमाडौं क्षेत्र नं५(ख)को कार्यकर्ता भेला सम्पन्न भएको सामाजिक सञ्जालमार्फत् जानकारी दिदैँ थापाले आगामी कार्तिक २७ देखि हुने महाधिवेशन पछि हिन्दुराष्ट्र र राजसंस्थाको पुनर्स्थापना ,भ्रष्टाचार, धर्मपरिवर्तन आदिको विषयमा देशव्यापी आन्दोलन गर्ने बताएका हुन् ।
उनले भनेका छन्, ‘आगामी कार्तिक २७ देखि हुने महाधिवेशन पछि हिन्दुराष्ट्र र राजसंस्थाको पुनःस्थापना तथा भ्रष्टाचार, धर्मपरिवर्तन, सर्वसत्तावाद र विदेशी हस्तक्षेपको विरोधमा राप्रपाले देशव्यापी आन्दोलन गर्नेछ ।’
उनले जनताले अहिले हिन्दुराष्ट्र र राजसंस्थाको आवश्यकता महसुस गरेको पनि बताए । राप्रपा र यसको नेतृत्वलाई कमजोर बनाउनु हिन्दुराष्ट्र र राजसंस्थाको एजेण्डा सँधैको लागि समाप्त पार्नु रहेको भन्दै उनले यसबारे सचेत हुन आग्रह पनि गरे ।
प्रतिक्रिया