नेपाल समूहको स्थायी कमिटी बैठक आज बस्दै

काठमाण्डौंः नेकपा एमालेको माधव कुमार नेपाल समूहको स्थायी कमिटी बैठक आज बस्दै छ ।

पछिल्लो राजनितिक अवस्था र दोस्रो तहका नेताहरुले संसस्थापन समुहहरुसँग गरिरेहको आन्तरिक वार्ता लगायत गठबन्धनको भावी रणनिती तय गर्न बैठक बस्न लागेको हो ।

आइतबार अबेर काठमाण्डौंको शंखमूलस्थित एक पार्टी प्यालेसमा दुई घन्टा बैठक बसेको सो समहुले आज थप छलफल गर्न लागेको बताइएको छ ।

आइतबारको बैठकमा सहभागी नेताहरूले पार्टीलाई एकताबद्ध बनाएर जानुपर्छ भन्नेमा जोड दिएका छन् । पछिल्लो राजनीतिक घटनाक्रमबारे छलफल जारी रहेको र आज सोमबार बिहान ११ बजे पुनः बैठक बसेर निष्कर्ष निकाल्ने तयारी भइरहेको उपाध्यक्ष युवराज ज्ञवालीले हरियाली अनलाइनलाइ जानकारी दिए ।

बैठकमा वरिष्ठ नेता झलनाथ खनालबाहेक नेपाल समूहका स्थायी कमिटीका सबै नेतालाई आजको बैठकमा पुन सहभागी हुन भनिएको छ । नेता खनाल भने भारतमा स्वास्थ्य उपचाररत छन् । यसअघिको बैठकमा सहभागी नभएका उपाध्यक्ष भीम रावल पनि हिजोको बैठकमा सहभागी भएका थिए ।