एमसीसी सम्झौता हुबहु पारित नगर्न विवेकशील साझाको माग (विज्ञप्ती सहित)

काठमाडौं: विवेकशील साझा पार्टीले अमेरिकी सहयोग परियोजना (एमसीसी) सम्झौता हुबहु पारित नगर्न आग्रह गरेको छ ।

विवेकशील साझाले मंगलबार एक विज्ञप्ति जारी गर्दै एमसीसी सम्झौताका केही शर्त अत्यन्त आपत्तिजनक एवम् नेपालको राष्ट्रिय स्वाभिमान र हित प्रतिकुल रहेको बताएको छ र ती शर्त संशोधनबिना पारित गर्न नहुने उल्लेख गरेको छ ।

एमसीसी सम्झौताबारे नागरिकस्तरमा धेरै नै संशय रहेको र गम्भीर प्रश्न उठेको भन्दै विवेकशील साझाले त्यसलाई निरुपण नगरी अघि बढ्नु घातक हुने बताएको छ ।

‘एमसीसी इण्डो प्यासिफिक स्ट्रटेजी (आईपीएस) को अङ्ग हो भनी अमेरिकी उच्च अधिकारीले नै अभिव्यक्ति दिएको परिप्रेक्ष्यमा अघिल्ला र वर्तमान सरकारले यसबारे सत्य तथ्य समयमै बाहिर ल्याउनुको सट्टा यसलाई अन्य विकास आयोजनाको जस्तै सामान्य अनुदान जसरी नै प्रस्तुत गर्नु आपत्तिजनक छ’ विज्ञप्तिमा भनिएको छ ।

विवेकशील साझा पार्टीले सत्तामा रहँदा एमसीसी सम्झौता पारित गर्न लागि पर्ने र प्रतिपक्षमा हुँदा विरोध गर्ने दलहरूको व्यवहारले पनि संशय थपेको उल्लेख गरेको छ ।

यस्तो छ विज्ञप्तीको पूर्णपाठः