असार २३, २०८२ सोमबार
July 7, 2025
युग खबर
२०७८ कार्तिक ३०, मंगलबार
काठमाण्डौंः करोडौँ मूल्यका गरगहना, ल्यापटप र नगद रकम चोरी ल्याएका दुई जनालाई कञ्चनपुरको बेलौरीबाट प्रहरीले पक्राउ गरेको छ ।
नेपाल प्रहरी र सशस्त्र प्रहरीको संयुक्त टोलीले कञ्चनपुरको बेलौरी नगरपालिका वडा नम्बर १ फटिया बस्ने ३८ वर्षीय लाल बहादुर शाही र कैलालीको लम्की चुहा नगरपालिका वडा नम्बर ४ बस्ने ३८ वर्षीया विष्णु कुमारी सिंह शाहीलाई मङ्गलवार बेलौरीबाट पक्राउ गरेको इलाका प्रहरी कार्यालय त्रिभुवन बस्तीका प्रहरी निरीक्षक कैलाश सिंह विष्टले जानकारी दिनुभयो ।
उहाँका अनुसार भारतको बैङ्गलोरबाट हालै स्वदेश फर्किई बेलौरी स्थित शाहीको घरमा बसिरहेका दुवै जनाको साथबाट ठूलो मात्रामा गरगहना, मूर्ति सहित ल्यापटप र विभिन्न देशका मुद्राहरू समेत बरामद गरिएको छ ।
प्रारम्भिक अनुसन्धान पछि थप कारबाहीका लागि उल्लेखित दुवै जना र सामानहरू इलाका प्रहरी कार्यालय बेलौरीको जिम्मा लगाइएको इलाका प्रहरी कार्यालय त्रिभुवन बस्तीका प्रहरी निरीक्षक कैलाश सिंह विष्टले जानकारी दिनुभयो ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया