एसपीपी सम्झौता केपी नेतृत्वको सरकारले कार्यान्वयन गरेको प्रचण्डको आरोप

काठमाण्डौः सत्ता साझेदार दल नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले नेकपा एमालेका अध्यक्ष केपी शर्मा ओली नेतृत्वको सरकारले एसपीपी सम्झौता गरेको आरोप लगाएका छन्।

बिहिवार माओवादीका दिवंगत नेता रितबहादुर खड्काको २१औं स्मृति दिवसको अवसरमा काठमाडौंको पेरिसडाँडामा आयोजित कार्यक्रमलाई सम्बोधन गर्दै प्रचण्डले सन् २०१९ मा केपी ओली नेतृत्वको सरकारले  एसपीपी सम्झौता गरिसकेको दाबी गरे। यो तथ्य इतिहासमा रहेको भन्दै त्यसलाई हरेक नेपालीले बुझ्न आवश्यक रहेको उनको भनाइ छ।

प्रचण्डले अहिले राष्ट्रवादको झुटो र पाखण्डी प्रचार गर्ने कार्य भइरहेको बताए। उनले एसपीपी सम्झौता गर्ने भन्ने कुरा झुटो भएको दाबी गर्दै नेपालले अमेरिकासँग एसपीपीजस्ता कुनै सैन्य सम्झौता नगर्ने घोषणा गरे। न्यूज कारखाना